ကျွန်တော်က ပုံမှန်အားဖြင့် Review ရေးလေ့မရှိပေမဲ့ ဒီနေ့ညကြည့်ခဲ့တဲ့ The Pool Movie လေးအတွက် Review ရေးချင်ပါတယ်။ ကျွန်တော်က Review ရေးစားနေတဲ့ Professional တစ်ယောက် မဟုတ်ပါ။ ဝါသနာရှင် တစ်ယောက်အနေနဲ့ ရေးမှာဖြစ်တဲ့အတွက် အမှားလဲ ပါချင်ပါနိုင်တာမို့ ကြိုတင်တောင်းပန်ထားပါရစေ ခင်ဗျာ။
(မှတ်ချက်။ ။Spoilerမဟုတ်ပါ)

■Synospsis
The Pool ဇာတ်ကားဟာ မြန်မာမှာ 2018 ခုနှစ် ကရုံတင်ပြီး IMDb 5.9/10 ရထားပြီး Action, Thriller, Surivival ဇာတ်ကား အမျိုးအစားပါ။ ဇာတ်လမ်းအစမှာတော့ လူသူဝေးတဲ့မြို့စွန်က ရေကူးကန်ကို ရုပ်ရှင်ရိုက်ကူးဖို့ ငှားရမ်းပြီးနောက် ရေကူးကန်ထဲမှာ အစောင့်တစ်ယောက်က ဘေးကင်းကင်းနဲ့ အိပ်မောကျနေခဲ့ပါတယ်။ ရုပ်ရှင်ရိုက်ကူးတဲ့အဖွဲ့ဟာ ရေထုတ်တဲ့ ခလုပ်ကိုနှိပ်ပြီး ပြန်သွားခဲ့ပါတယ်။ ရေကန်ထဲမှာ အိပ်ပျော်နေတဲ့အစောင့် နိုးလာချိန်မှာ ရေဟာကုန်လုနီးပါး ဖြစ်နေပါပြီ။ အဲဒီအချိန်မှာ ရေကူးဖို့ဆင်းလာတဲ့ချစ်သူ၊ ဘေးပတ်ပတ်လည်မှာ ရေကူးကန်နံရံကလွဲပြီး ဘာမှမရှိ၊ အဲဒီအချိန်မှာ ဆာလောင်နေတဲ့ မိကျောင်းမ တစ်ကောင်က ရောက်လာပြီး၊ အသက်ရှင်ဖို့ကြိုးစားရုန်းကန်နိုင်ပါ့မလား?
မိကျောင်းမကရော ရေကန်ထဲကို ဘယ်လိုရောက်လာတာလဲ?
ရေကန်ထဲက လွတ်မြောက်အောင်ကြိုးစားနိုင်ပါ့မလား ဆိုတာကတော့……

■Director
ပထမဆုံး ချီးကျူးချင်တာကတော့ ထိုင်းဒါရိုက်တာ Ping Lumpraloeng ဖြစ်ပါတယ်။ ဇာတ်ကားတစ်ကားလုံး လူအနည်းငယ်ဖြင့်သာ ရိုက်ကူး သရုပ်ဆောင်ထားပြီ Plot Twist အလှည့်အပြောင်း မထင်မှတ်ထားတွေလည်း ဖြစ်လာတာကြောင့် ရသတစ်ခုကိုလည်း ပေးစွမ်းနိုင်ပါတယ်။ ဒီကားနဲ့ Brussels International Festival of Fantasy Film 2019 ဆုကို ရရှိခဲ့ပါတယ်။

■Others
Lighting , Sound Effects အပိုင်းကလည်း ကောင်းမွန်ပြီး သရုပ်ဆောင်ပိုင်းကလည်း အပိုအလိုမရှိ။ သဘာဝကျကျနဲ့ မျက်နှာ Expression ကလဲ Over မဖြစ်ပါဘူး။ အချုပ်အနေနဲ့ပြောရရင် ဇာတ်လမ်းက ယုတ္တိမရှိဘူးလို့ပြောကြပေမဲ့ ကျွန်တော့်အတွက်ကတော့ Movie ဆိုတာ ခံစားသိမြင်နိုင်တဲ့ကိုယ်ရဲ့ခံစားချက်လို့ပဲ ထင်ပါတယ် ခင်ဗျာ။Romance ကားတွေနဲ့ပဲ ရိုးအီမနေဘဲ ဒီ Thriller ဇာတ်ကားလေးကိုလည်း ကြည့်ရှုပါလို့ တိုက်တွန်းလိုက်ပါရစေ။

By: Myat Noe