Carriers တွေက Unlimited ဆိုတဲ့ စာသားကို ကောင်းကောင်းကြီး အသုံးချကာ Data Plan တွေ အမျိုးမျိုး ရောင်းချနေကြပေမယ့် တကယ်တမ်းမှာတော့ သတ်မှတ်ပမာဏသို့ ရောက်သွားချိန်မှာ ဓာတ်ပုံလေးတစ်ပုံကြည့်ရဖို့တောင် တော်တော်ခက်ခဲလာတာ အားလုံးလည်းအသိ ဖြစ်ပါတယ်။ တကယ်လို့များ သင်ဟာ Unlimited Plan ကို ၀ယ်ယူမသုံးဘူးဆိုရင်လည်း သင့်အနေဖြင့် အင်တာနက်ဒေတာဖိုး ပိုပြီးတော့ ကုန်ကျဦးမှာ ဖြစ်ပါတယ်။ ဒီတော့ အသုံးပြုသူများအနေဖြင့် Data Plan တစ်ခုခုကို ၀ယ်ယူပြီးချိန်မှာ ကိုယ့်ရဲ့ Data ကုန်ဆုံးမှုများကို စောင့်ကြည့်ပြီး အသုံးပြုမှုကို ထိန်းချုပ်ကန့်သတ်တာက အကောင်းဆုံး ဖြစ်ပါတယ်။

တကယ်တော့ ကိုယ့်ရဲ့ အင်တာနက်အသုံးပြုမှုကို စောင့်ကြည့်ဖို့/ကန့်သတ်ဖို့က ခက်ခက်ခဲခဲကိစ္စရပ်တော့ မဟုတ်ပါဘူး။ အထူးသဖြင့် Android မှာ ပိုလွယ်ပါတယ်။ Third-Party App နှင့်လည်း လုပ်ဆောင်နိုင်ပါသေးတယ်။

Android ဖုန်းအသုံးပြုတဲ့သူတွေ အင်တာနက်အသုံးပြုမှုကို ဘယ်လိုစောင့်ကြည့် ကန့်သတ်မလဲ ကြည့်ရမလဲ ပြသသွားပါမယ်။ ယခုပြသလာတဲ့အချက်ကတော့ Android Pie မှာ ဘယ်လိုသုံးရမလဲဆိုတာပါ။ Android OS ဗားရှင်းကွာခြားမှုအပေါ်မူတည်ပြီး အသုံးပြုပုံကလည်း ပြောင်းလဲနိုင်တာ သတိပြုရပါမယ်။ ဒါပေမယ့် ကြီးမားတဲ့ ကွာခြားမှုတော့ မရှိပါဘူး။

Set A Data Limit

ကိုယ့်ရဲ့ အင်တာနက်အသုံးပြုမှု အလွန်အကျွံဖြစ်လာရင် သတိပေးနိုင်တဲ့စနစ်ကို ဖန်တီးလို့ ရပါတယ်။ ပြောရမယ်ဆိုရင် ကိုယ်သတ်မှတ်ချက်တဲ့ ပမာဏမျိုးစုံ သတ်မှတ်နိုင်ပါတယ်။

အင်တာနက်သုံးမှုကန့်သတ်မယ်ဆိုရင်

(1). Setting သို့ သွားပါ။

(2). ပြီးရင် Network & Internet (ဖုန်းအချို့မှာ SIM Cards & Mobile Network) သို့ သွားပါ။ ယင်းမှ Data Usage သို့ ၀င်ပါ။ Data Warning & Limit ကို ထောက်ပါ။

(3). Set Data Warning ကို ထောက်ပါ။ ဘယ်အတိုင်းအတာပမာဏရောက်ရင် သတိပေးမယ်ဆိုတာ လုပ်ဆောင်နိုင်ပါတယ်။

Data Saver Mode

သင့် Android ဖုန်းမှာ Android 8.0 နဲ့ နောက်ပိုင်း ဗားရှင်းသုံးထားတယ်ဆိုရင် Data Saver Mode ပါ၀င်မှာ သေချာပါတယ်။ ယင်းမှာ သင့်အနေဖြင့် App များကို Wi-Fi နှင့်ဘဲ သီးသန့်သုံးမယ်လို့ ကန့်သတ်နိုင်ပါတယ်။ ယင်းသို့ ကန့်သတ်လိုက်ရင် ယင်း App များဟာ သင် အင်တာနက် အသုံးပြုနေချိန်မှာ နောက်ကွယ်မှာ အလုပ်လုပ်နေမှာ မဟုတ်ပါဘူး။

Data Saver Mode ကို သုံးမယ်ဆိုရင်

(1). Setting သို့ သွားပါ။

(2). Network & Internet သို့ သွားပါ။ Data Usage ကို ထောက်ပါ။

(3). ပြီးရင် Data Saver ကို ရွေးပြီး Use Data Saver ကို ဖွင့်လိုက်ပါ။

ယင်းမှာ အသုံးပြုအနေဖြင့် App များကို နောက်ကွယ်မှာ အလုပ်လုပ်နေမှု ရပ်တန့်လို့ ရပါတယ်။

ဒေတာအသုံးပြုမှုကို စီမံခန့်ခွဲမယ့် App

Data Saver စနစ်ကြောင့် အသုံးပြုသူများအနေဖြင့် App များကို နောက်ကွယ်မှာ အလုပ်လုပ်မှု ရပ်တန့်နိုင်တာကြောင့် ဒေတာကုန်ဆုံးမှုကို သက်သာစေပါမယ်။ အခြားတစ်ဖက်မှာ Datally ၊ My Data Manager စတဲ့ App များကလည်း အသုံးပြုသူများရဲ့ အင်တာနက်ဒေတာ စီမံခန့်ခွဲမှုကို ကူညီနိုင်ပါတယ်။

Datally က App များကို နောက်ကွယ်မှာ အလုပ်လုပ်မှုကို ရပ်တန့်မပေးပါဘူး။ ဒါပေမယ့် App များကို နေ့စဉ် ဘယ်လောက်သုံးမယ်ဆိုတာ လုပ်နိုင်သလို Bedtime Mode လည်း ပါ၀င်ပါတယ်။

Credit : NetGuide Journal (Every Wednesday)