ကျွန်ုပ်တို့နေစဉ် အသုံးပြုနေသော Message, Facebook, Messanger, twitter, Line စသည်တို့တွင် မိမိတို့၏ ခံစားချက်များကို စာကြောင်းအရှည်ကြီး အသုံးမပြုဘဲ တိုတိုနှင့်ထိရောက်သည့် အီမိုဂျီလေးများကို အသုံးပြုလာကြပါတယ်။ အီမိုဂျီ များကို စိတ်ခံစားချက်အတွက် သုံးသည်သာမက နေရာဒေသ၊ ရာသီဥတု၊ အချိန်အခါ၊ အစားအသောက်၊ တိရစ္ဆာန်၊ အရာဝတ္ထုနှင့် ရိုးရာယဉ်ကျေးမှုများ အတွက်ပါ တီထွင် အသုံးပြုလာကြပါတယ်။

အီမိုဂျီ ဆိုသည်မှာ အီမိုတစ်ဟုခေါ်သော စာသင်္ကေတကို အခြေခံပြီး ပြုလုပ်ထားပါတယ်။ အီမိုဂျီဆိုသော စာလုံး၏ အဓိပ္ပါယ်ကတော့ ဂျပန်ဘာသာစကားမှ ဆင်းသက်လာပြီး၊ ဂျပန်ဝေါဟာရကို အင်္ဂလိပ်ဘာသာစကားက တိုက်ရိုက်မွေးစားခဲ့ခြင်းဖြစ်သည်။ “အီ” သည် ဂျပန်အသံထွက် “အဲ” ဖြစ်ပြီး ရုပ်ပုံ၊ ပန်းချီ ဟု အဓိပ္ပါယ်ရပြီး၊ “မိုဂျီ” ကတော့ စာလုံးဟု အဓိပ္ပါယ်ရပါတယ်။ အီမိုဂျီ ကို ၁၉၉၇ ခုနှစ်နောက်ပိုင်း စတင်အသုံးပြုလာကြပြီး၊ ၂၀၁၅ ခုနှစ်မှစ၍ ကမ္ဘာနှင့်တစ်ဝှမ်း အသုံးပြုမှု မြင့်မားလာခဲ့သည်။ ထို့ကြောင့် အောက်စ်ဖို့ အဘိဓာန်က “အီမိုဂျီ” ကို ဝေါဟာရအဖြစ် ၂၀၁၅ ခုနှစ် နိုဝင်ဘာ ၁၆ ရက်နေ့က သတ်မှတ်ခဲ့ပါသည်။

၁၉၉၇ နိုဝင်ဘာ ၁ ရက်နေ့ တွင် ဂျပန်နိုင်ငံမှ ထုတ်လုပ်ဖြန့်ချိသော J-Phone တွင် အီမိုဂျီရဲ့ အပိုင်းများ ပါဝင် ခဲ့ပါတယ်။ ၁၉၉၉ ခုနှစ်တွင် “ရှီဂဲတခ ခုရိတ” (栗田穣崇) က အားလုံး အသုံးပြုနိုင်မည့် အီမိုဂျီများကို ပထမဆုံး ဖန်တီးခဲ့ပါတယ်။ ၎င်းက ဂျပန်နိုင်ငံ၏ operator တစ်ခုဖြစ်သော NTT Docomo Inc မှ i-mode mobile Internet platform တွင် တာဝန်ထမ်းဆောင်ခဲ့သူ ဖြစ်ပါတယ်။ ဆက်လက်၍ အီမိုဂျီအကြောင်းကို လေ့လာကြပါမယ်။ ၂၀၁ဝခုနှစ် နှောင်းပိုင်းတွင် အီမိုဂျီများကို ဂျပန်တွင် အသုံးပြုသော Shift JIS စနစ်မှ အားလုံး အသုံးပြုနိုင်သော ယူနီကုဒ် စနစ်ကို ပြောင်းလဲခဲ့ပါတယ်။ ထို့ကြောင့် ဂျပန်နိုင်ငံပြင်ပ နှင့် အခြားသော operation system တို့တွင် အသုံပြုနိုင်ခဲ့ပါတယ်။

ယခု အချိန်မှာတော့ လူတိုင်းဟာ အီမိုဂျီနှင့် ရင်းနှီးပြီးသားလည်းဖြစ်နေပါပြီ။ ထို့ပြင် အီမိုဂျီနှင့် ပတ်သက်တဲ့ ရုပ်ရှင် ကို Sony Pictures Animation နှင့် Columbia Pictures တို့မှ ရိုက်ကူးပြီး၊ ၂၀၁၇ ခုနှစ် ဇူလိုင်လတွင် ရုံတင်ပြသခဲ့ပါတယ်။ ကျွန်ုပ်တို့၏ ဖုန်းများမှ နေစဉ်ပို့လျက်ရှိသော အီမိုဂျီအကြောင်းကို Yangon Style ပရိသတ်ကြီးအား တင်ပြရင်း နိဂုံးချုပ်လိုက်ရပါတယ်။

By: Zaw Gyi