Facebook ဟာ မြန်မာနိုင်ငံတစ်ဝန်း ယူနီကုဒ်ပြောင်းလဲအသုံးပြုရာမှာ အထောက်အကူဖြစ်ဖို့ Facebook အနေနဲ့ ဇော်ဂျီသုံးစွဲထားတဲ့စက်တွေမှာ ယူနီကုဒ်မြန်မာစာစနစ်နဲ့ မြင်နိုင်ဖို့အတွက် font Converter စနစ်ကို လုပ်ဆောင်လျက်ရှိတယ်လို့ သိရပါတယ်။

စက်တင်ဘာ ၅ ရက်က ပြုလုပ်တဲ့ facebook ကိုယ်စားလှယ် ၅ ဦးနဲ့ ရန်ကုန်မြို့မှာ ပြည်တွင်းသတင်းမီဒီယာတွေနဲ့ တွေ့ဆုံတဲ့အခမ်းအနားမှ သိရပါတယ်။ Facebook သုံးစွဲသူတွေအတွက် စနစ်ထဲက ဘာသာစကားရွေးချယ်တဲ့နေရာမှာ ဇော်ဂျီဖောင့်စနစ်ကို ၂၀၁၈ ကတည်းက ဖယ်ရှားခဲ့ခြင်းဖြစ်ကြောင်း၊ အခုအခါမှာ ယူနီကုဒ်အသုံးပြုတဲ့ ထုတ်ကုန်တွေမှာလည်း သတင်းအချက်အလက်တွေ ဖတ်ရှုနိုင်ဖို့ font coverter တွေထောက်ပံ့ပေးဖို့ Facebook ကလုပ်ကိုင်နေကြောင်း သိရပါတယ်။

ဒါကြောင့် ယူနီကုဒ်သုံးစွဲသူတွေအနေနဲ့ Facebook ရဲ့ Help Center ကဖော်ပြထားတဲ့ အချက်အလက်၊ မူဝါဒတွေကို ဖတ်ရှုနိုင်မှာဖြစ်ကြောင်း၊ ဇော်ဂျီသုံးစွဲသူတွေအနေနဲ့လည်း ဇော်ဂျီဖောင့်ကို ဆက်လက် အသုံးပြုနိုင်မှာဖြစ်ကြောင်း သိရပါတယ်။ မကြာသေးခင်ကာလက Facebook အနေနဲ့ မြန်မာနိုင်ငံနဲ့ပတ်သက်ပြီး အမုန်းစကားနှင့်သတင်းအမှားကို ကိုင်တွယ်ဖြေရှင်းနိုင်ဖို့ နည်းပညာအဆင့်မြှင့်တင်မှုတွေကို တိုးမြှင့်လုပ်ဆောင်နေကြောင်း၊ အလားတူ ၂၀၂၀ ခုနှစ် အထွေထွေရွေးကောက်ပွဲအတွက်လည်း ကြိုတင်ပြင်ဆင်မှုတွေလုပ်ဆောင်နေတယ်လို့ သတင်းထုတ်ပြန်ထားပါတယ်။

-ဝေဝေ

Credit : www.internetjournal.media