အောက်တိုဘာလ ၁ ရက်နေ့မှစ၍ မြန်မာတစ်ပြည်လုံး၌ ယူနီကုဒ်ကို ပြောင်းလဲအသုံးပြုတော့မှာဖြစ်ပါတယ်။ ထို့ကြောင့် မိမိ အသုံးပြုနေသော ဖုန်းများ နှင့် ကွန်ပျူတာ များကို ယူနီကုဒ် ပြောင်းလဲအသုံးပြုသင့်ပါတယ်။ ကွန်ပျူတာ များမှာတော့ ယူနီကုဒ်‌ရော၊ ဇော်ဂျီရောနှစ်မျိုး စလုံး ပါ၀င်သောကြောင့် အဆင်သင့် အသုံးပြုနိုင်ပါတယ်။ သို့ပေမယ့် ယူနီကုဒ်မပါသော Window 10 ကွန်ပျူတာ များ၌ ယူနီကုဒ်ပြောင်းလဲပုံနှင့် ကီးဘုတ် ကိုဖော်ပြပေးလိုက်ပါတယ်။

Window 10 ကွန်ပျူတာမှာ ယူနီကုဒ်နှင့် ကီးဘုတ် သွင်းမယ်ဆိုရင် ပထမဆုံး Window Key ကိုနှိပ်ပါ။ ထို့နောက် Setting > Time & language > Language > +Add a Language မှာ မြန်မာရွေးပြီး Next ကိုနှိပ် ပြီးနောက် Install ကိုနှိပ်ကာသွင်းပါ။ ပြီးလျှင် restart ချပေးပါ။ ထို့နောက် taskbar မှမြန်မာကိုရွေး၍ အသုံးပြုနိုင်ပါတယ်။ Microsoft word တွင် မြန်မာကီးဘုတ်‌ရွေးထားပါက Font တွင် Myanmar Text ဟုပေါ် ပါမယ်။ မြန်မာယူနီကုဒ်ကီးဘုတ် လက်ကွက်များ သိစေရန်ဖော်ပြပေးလိုက်ပါတယ်။

Iphone အတွက်ကတော့ MyFont app နှင့် tt keyboard သွင်းကာ ယူနီကုဒ်ပြောင်းရမှာ ဖြစ်ပါတယ်။ MyFont app မှာတော့ Uni Code font မှ Myanmar3 ကို Install လုပ်၍ tt keyboard မှာတော့ Setting > Keyboards > Add new Keyboard မှာ ယူနီကုဒ် keyboard ကိုရွေးပေးရမှဖြစ်ပါတယ်။

Android ဖုန်းများအတွက်တော့ Setting > Language and Input > Language > add Language မှာ မြန်မာ(သို့)ဗမာ ကိုထပ်ပေါင်းထည့်ပေးရမှဖြစ်ပါတယ်။ add Language မပါသည့်ဖုန်းများအတွက် z-fontကို Play Store မှ Download & Install လုပ်ပြီး Myanmar မှာ Myanmar-3 နှင့် Myanmar Text ကို Install လုပ်၍ Application မှလုပ်ဆောင်ခိုင်းသည့်အတိုင်း Setting မှာချိန်ပေးရမှဖြစ်ပြီး အဆင်မပြေပါက Application ကိုဖျက်ပြီး ပြန်သွင်းကာ အစမှပြန်လည် ဆောင်ရွက်ရမှာဖြစ်ပါတယ်။ ထို့နောက် မိမိအသုံးပြုမည့် ကီးဘုတ်ကို ယူနီကုဒ်ပြောင်းကာ အသုံးပြုနိုင်မှာဖြစ်ပါတယ်။

mi phone များအတွက်တော့ Themes > My Page > Fonts ထဲမှ Mi Lanting (Default) ကိုအမှန်ပေးပြီး apply နှိပ်ကာ reboot လုပ်ပြီး ယူနီကုဒ်အသုံးပြုလို့ရပါတယ်။ ဖုန်းအမျိုးအစားပေါ်မူတည်၍ Install လုပ်နည်း ကွဲပြားမှုများရှိပါတယ်။

ယူနီကုဒ်ကိုအသုံးပြုနိုင်ရန် အတွက် Install ထည့်သွင်းပုံကို Yangon Style ပရိသတ်ကြီးအတွက် ဖော်ပြပေးလိုက်ရပါတယ်။

By: Zaw Gyi