ယခုတခါမှာတော့ Yangon Style  ရဲ့ စာဖတ်ပရိသတ်ကြီးကို လက်တို့ညွှန်းပေးချင်တဲ့နေရာလေး တစ်ခုကတော့ ရန်ကုန်မြို့လယ်ကောင်မှာရှိသော ထူးခြားလှတဲ့နေရာလေးတစ်ခုပဲ ဖြစ်ပါသည်။ ထိုနေရာ လေးကို စာဖတ်ဝါသနာပါသူများ အထူးနှစ်သက်သဘောကြ ကြမည် ဖြစ်ပါသည်။

            ရန်ကုန်မြို့၊ လမ်းမတော်၊သံဈေး(ငါးလွှာ)တွင် ဖွင့်လှစ်ထားသော Yangon Book Plaza ပဲဖြစ်ပါသည်။ စာ အုပ်တွေကို သဘောကျနှစ်သက်ကြသည့် ရန်ကုန်သူ၊ရန်ကုန်သားတို့အတွက် နားခိုရာနေရာကောင်းလေးတစ်ခု ဖြစ်ပါသည်။ အဆိုပါနေရာတွင် ရွေးချယ်စရာစာအုပ်ပေါင်းများစွာရှိပြီး တန်ဖိုးရှိသော စာအုပ်အဟောင်းများကို လည်းစိတ်တိုင်းကြ မွှေနှောက်ရှာဖွေနိုင်ပါသည်။ ထို့ပြင် အသစ်ထုတ်ဝေသော စာအုပ်များကိုလည်း အချိန်နှင့်တ ပြေးညီ ဝယ်ယူနိုင်ပါသေးသည်။

            Yangon BooK PlaZa တွင် စာအုပ်များသာမက ပန်းချီများကိုလည်း လေ့လာနိုင်ပါသည်။ မကြာခဏ ပန်းချီပြပွဲများ ပြုလုပ်ကျင်းပကာ ပန်းချီဝါသနာရှင်ကိုလည်း ဖိတ်ခေါ်လျှက်ရှိပါသည်။ ထို့ပြင် နွေရာသီကျောင်း ပိတ်ရက်များ၊ အစိုးရရုံးပိတ်ရက်များတွင်လည်း ကာတွန်းပြပွဲများ၊ ကလေးငယ်များအတွက် ရုပ်ပြစာအုပ်ပွဲတော် များကိုလည်း အမြဲစီစဉ်ကျင်းပပေးနေပါသည်။

            အနုပညာချစ်သူများအတွက် Yangon Book Plaza တွင် ရိုးရာလက်မှုပစ္စည်းများကိုလည်း ရောင်းချပေး လျှက်ရှိပါသည်။ သွားရောက်လေ့လာဝယ်ယူသူများ စာအုပ်များကိုစိတ်တိုင်းကျရွေးချယ်နိုင်ရန် ကျယ် ဝန်းသော အခင်းအကျင်းများပြင်ဆင်ထားသည့်အပြင် ကော်ဖီသောက်ရင်းစာဖတ်နိုင်ရန်အတွက် ကော်ဖီဆိုင်များ နှင့် အနားယူနိုင်သောထိုင်ခုံများလည်း အသင့်ရှိပါသေးသည်။

            Yangon Book Plaza ကို ၂၀၁၇ခုနှစ်တွင် စတင်ဖွင့်လှစ်ခဲ့ပြီး နံနက်-၉နာရီမှ ည-၇နာရီထိ ပိတ်ရက်မရှိ ဖွင့်လှစ်ထားပါသည်။ လာမည့် နိုဝင်ဘာလ -၂ရက်မှ ၄ရက်နေ့ထိ  Saffron ဟူသော ပန်းချီပြပွဲတစ်ခုကို ကျင်းပသွား စီစဉ်ထားပါသည်။ နိုဝင်ဘာ-၂ရက်နေ့မွန်းလွဲ-၃နာရီတွင် ပန်းချီပြပွဲဖွင့်ပွဲ အခမ်းအနားကျင်းပ မည်ဖြစ်သည်။

By : Myo Wai Thu