သိသူဖော်စား မသိသူကျော်သွားပဲ..။ စားရတာ အရမ်းအရသာရှိပြီး တန်ဖိုးလည်း သက်သာတဲ့အတွက် စောစောစီးစီးကတည်းက ဘာကြောင့် ဒီဆိုင်ထဲကို မ၀င်ပါလိမ့်လို့ နောင်တရမိတယ်..။ ဂျပန်အစားအသောက်တွေနဲ့ ပတ်သတ်လို့ ကျွန်တော်တို့ သိသလောက်ကတော့ ‘ဈေးကြီးတယ်’ ဆိုတာပါပဲ။ တန်တယ်ဆိုတာတောင်မှ သူ့ဈေးနဲ့သူ အတန်အသင့်တော့ တန်ဖိုးကြီးနေသေးတာပါပဲ။ အဲ….ကျွန်တော်တို့ရဲ့ ဒီလို အမြင်တွေကို ဖယ်ဖျောက်ပေးလိုက်တာကတော့ Sushi Mikado ဆိုတဲ့ ဆူရှီဆိုင်ပါပဲ။

ဆူရှီဆိုင် ဆိုပေမယ့် တခြားသော အရသာရှိတဲ့ဂျပန်စာ အစားအသောက်တွေ အများကြီးရပါတယ်။

ပထမဆုံး ဆူရှီကနေ စပြီးပြောရမယ်ဆိုရင်တော့ ၁၂၀၀ တန်ကနေစလို့ ၄၀၀၀တန်အထိ အစားစားရပါတယ်။

ရေဘဝဲ ဆူရှီ

ဂဏန်း ဆလပ် ဆူရှီ

တူနာ ဆလပ် ဆူရှီ

ပုစွန်ချိစ်လိပ် ဆူရှီ

ရေဘဝဲ မရောနီစ် ဆူရှီ အစရှိတဲ့ ဆူရှီတွေအမျိုးအစားပေါင်း ၄၀၀န်းကျင်ရှိပြီး တန်ဖိုးတွေက  ၁၂၀၀-၁၄၀၀-၁၅၀၀ ၀န်းကျင်ပဲရှိပါတယ်။

သူ့ရဲ့ မီဆိုဟင်းချိုကလည်း အသက်ပါပဲ။ ကိုယ်က ချဉ်စပ်သောက်ချင်ရင် ချဉ်စပ်လေး လုပ်ပေးပါတယ်။ မီဆို တစ်ပွဲကို ၇၀၀ပဲရှိပါတယ်။ ကြက်ဥပေါင်းဆိုရင် ဆိမ့်ဆိမ့်လေးနဲ့ စားရတာ အရမ်းအရသာရှိပါတယ်။

ကျွန်မတို့ စားခဲ့သမျှထဲမှာ အကြိုက်ဆုံးကတော့ ပုဇွန်တန်ပူရာပါပဲ။ ပုဇွန်ရဲ့ အလုံးအထည်လှပနေမှုနဲ့ ကြွတ်ယွနေမှုတို့က တအားကို လက်ခံနိုင်စရာကောင်းလှပါတယ်။ ကင်းမွန်ကြော်လည်းစားကောင်းတယ်ဗျာ။

 သူ့ရဲ့မှိုဝက်ခြောက်ပေါင်းက စားရတာ အရမ်းအရသာရှိချက်ပါပဲ။ အပ်မှိုကို ၀က်ခြောက်ပေါင်းနဲ့ ချက်ထားပြီး အရသာရဲ့ လေးပင်နေမှုက ပထမတန်းစားပါပဲ။ ကျွန်မတို့တုန်းကတော့ ၂၅၀၀ကျပ်ပဲရှိပါသေးတယ်။

ရန်ကုန်မှာတော့ စမ်းချောင်းမြို့ထဲမှာရှိပြီး  သူ့ လိပ်စာကတော့ No.162 Sanchaung Street, Sanchaung Township ဖြစ်ပါတယ်။ အနီးဆုံးပြောရမယ်ဆိုရင်တော့ မြေနီကုန်း City Mart ဘေးလမ်းရဲ့ လမ်းထိပ်မှာရှိနေပါတယ်။ မန္တလေးနဲ့ ပုဂံတို့မှာလည်းဆိုင်ခွဲတွေရှိတယ်လို့သိရပါတယ်။

ခေါက်ဆွဲနဲ့ Curry တို့ကိုတော့ မြည်းစမ်းခွင့်မရခဲ့ပါဘူး။ ဟင်းအမည်ပေါင်း ၁ရာကျော်တောင်ရှိတာဖြစ်လို့ သူငယ်ချင်းတွေနဲ့ တပျော်တပါးကြီးသွားကြမယ်ဆိုရင်တော့ ဟင်းပွဲအကုန်မြည်းစမ်းနိုင်မှာဖြစ်ကြောင်း သတင်းကောင်းပါးလိုက်ပါတယ်။

By : Theingi Kyaw