ယခုတစ်ပတ်မှာတော့ အပစ်အခတ်တွေကြိုက်တဲ့ Third Person Shooter ဂိမ်မာတွေအတွက် Gears 5 ဆိုတဲ့ အခွေလေးကို တင်ဆက်ပေးလိုက်ပါတယ်။ ဒီခွေလေးဟာ နာမည်ကျော် Gears of War စီးရီးရဲ့ 6 ခွေမြောက်တင်ဆက်မှုဖြစ်ပြီး Gears of War 4 ရဲ့ နောက်ဆက်တွဲဖြစ်ကာ စက်တင်ဘာလအတွင်းမှာ ပွဲထုတ်ပေးမယ်လို့ ဆိုပါတယ်။ Gears 5 ကို ရေးဆွဲဖန်တီးပေးထားတဲ့ Developer(s) ကတော့ The Coalition ဖြစ်ပြီး ဖြန့်ချိပေးမယ့် Publisher(s) ကတော့ Xbox Game Studios အုပ်စုပါ။

ပလက်ဖောင်းတွေအနေနဲ့ကတော့ Microsoft Windows နဲ့ Xbox One 2 မျိုးအတွက်ပဲ ဆော့ကစားနိုင်မှာ ဖြစ်ပါတယ်။ ဒီတစ်ခါမှာလည်း ယခင် Gears of War 4 က ပင်မဇာတ်ကောင်ဖြစ်တဲ့ JD Fenix၊ သူငယ်ချင်းဖြစ်သူ Delmont Walker နဲ့ JD ရဲ့ ဖခင်ဖြစ်သူ Marcus Fenix တို့ ပြန်လည်ပါ၀င်လာမှာဖြစ်ပြီး Fahz Chutani, Kait Diaz,, Oscar Diaz, Reyna Diaz, Marcus Fenix, James Dominic Fenix, Delmont Walker, Mac, Keegan, Lahni အစရှိတဲ့ Character တွေနဲ့အတူ Kait မိသားစုအပေါ်ကျရောက်လာမယ့် ဘေးရန်တွေကို ကာကွယ်ပေးရမှာ ဖြစ်ပါတယ်။

Game Mode သစ်အနေနဲ့ ပါ၀င်လာတာကတော့ 3 ဦး Co-Op ဆော့ကစားနိုင်တဲ့ Escape Mode ပါ။ နောက်ခံ Locations တွေအနေနဲ့ Sera, Hollow, Nexus, Royal Palace, Jacinto Plateau, Mount Kadar, New Ephyra, New Hope Research Facility အစရှိတဲ့နေရာတွေ ပါ၀င်မှာဖြစ်ပြီး Organizations တွေအနေနဲ့ Outsiders၊ Coalition of Ordered Governments နဲ့ Union of Independent Republics ဆိုပြီး ပါ၀င်မှာ ဖြစ်ပါတယ်။

လက်နက်သစ်တွေအဖြစ် Combat Knife, Custom Lancer, Chainsaw Bayonet, Gnasher Shotgun, MX8 Snub Pistol, Talon Autopistol, Tri-Shot တို့ကို ထည့်သွင်းပေးထားပြီး Vehicle ပိုင်းမှာလည်း Centaur, King Raven, Skiff တို့ကို အားဖြည့်ပေးထားမှာ ဖြစ်ပါတယ်။ ဂိမ်းတွေရဲ့စျေးကွက်ဝင် Multiplayer Modes အဖြစ် Escalation နဲ့ Escape Mode 2 မျိုး ပါ၀င်မှာဖြစ်ပြီး ဒီဂိမ်းလေးရဲ့ ဂရပ်ဖစ်ရုပ်ထွက်တွေ ကြည်လင်ပြတ်သားဖို့အတွက်ကိုတော့ Unreal Engine 4 ဂိမ်းအင်ဂျင်ကို အသုံးပြုဖန်တီးထားတာ ဖြစ်ပါတယ်။

Gears 5 ကို ဆော့ကစားမယ်ဆိုရင်တော့ System Requirements တွေအနေနဲ့ OS : Windows 10 64bit, CPU : Intel Core i5-3470 3.2GHz, RAM : 8GB, GPU : Nvidia GTX 650Ti 2GB, HDD : 80GB အနည်းဆုံးလိုအပ်မှာဖြစ်ပြီး စက်တင်ဘာလအတွင်းမှာ ပွဲထွက်လာမှာဖြစ်တဲ့အကြောင်း သတင်းကောင်းလေး ပေးလိုက်ရပါတယ်။

စာရေးသူ : GT (Excellent)

Credit : NetGuide Journal (Every Wednesday)