Steak ကို စျေးအရမ်းမကြီးဘဲ ကောင်းကောင်းစားချင်တဲ့ သူတွေအတွက် 365 Cafe ကို ညွှန်းချင်ပါတယ်။ Steak ဆိုလို့ Steak မကြိုက်ရင်ရောဆိုတဲ့သူတွေ အတွက်လည်း တခြားအစားအစာ အစုံအလင်ရနိုင်တဲ့ နေရာလေးတစ်ခုပါ။ Steakရဲ့စျေးနှုန်းလေးတွေကတော့ ၈ထောင်ကနေ ၂သောင်းကျော်အထိ အမျိုးမျိုးရှိပါတယ်။ကိုယ်စားချင်တဲ့ Sauce အမျိုးအစားနဲ့ တွဲဖက်စားလို့ရပါတယ်။ Steak ကတော့ Beef (အမဲသား) နဲ့ ပိုပြီး လိုက်ဖက်ပေမဲ့ အမဲသား မစားသူတွေအတွက် Pork (ဝက်သား) နဲ့လည်း ရှိပါတယ်။

Steak ကို အဓိက စားချင်လို့သွားတော့ Steak ထဲကမှ Black Pepper Beef Steak ကို ရွေးချယ်လိုက်တယ်။ Steak မှာ အသားသီးသန့် မဟုတ်ဘဲအာလူးကြော်နှင့် Vegetables Salad လည်းပါတော့ တွဲစားရတာ ပိုပြီး စားလို့မြိန်တယ်။ Black Pepper Beef Steak ဆိုတော့ ငရုပ်ကောင်းကတော့ အစေ့လိုက် ထည့်ထားတယ်။ ငရုပ်ကောင်းမကြိုက်ရင်တော့ အတော်ရှောင်စားရလိမ့်မယ်။ Tomato Spaghetti ကလည်း ချဉ်ချဉ်လေးနဲ့ စားလို့ကောင်းတယ်။ Thai Noodle ကတော့ ကွေ့သယိုရဲ့ အရသာနဲ့ဆင်တယ်။ စိန်ဂျွန်းစီးတီးမောလ်က 365 Cafe ဆိုင်ခွဲလေးမှာ စားဖြစ်ခဲ့တာကို ပြန်ပြီးမျှဝေပေးတာပါ။ Steak ကြိုက်ပြီး စျေးအရမ်းကြီးလို့ မစားဖြစ်ဘူး မဖြစ်ရအောင်လို့ အရသာရော၊ စျေးရော အဆင်ပြေတဲ့နေရာလေးကို မျှဝေပေးလိုက်ပါတယ်။အဆုံးအထိဖတ်ပေးလို့ ကျေးဇူးတင်ပါတယ်။

By: Yathaw