ကျောင်းသား၊ ကျောင်းသူများ၊ ဝန်ထမ်းများ၊ ဘာသာစကား လေ့လာနေသူများ၊ Tourist Guide များအတွက် အသုံးဝင်ဆုံးသော မြန်မာဘာသာ သင်ကြားရေး အပါအဝင် ဘာသာစကားမျိုးကွဲပေါင်း ၂ဝ ပါဝင်သည့် ဘာသာစကားနှင့် ကျောင်းသင်ပညာသင်ကြားရေး အထောက်အကူပြု COMET အမှတ်တံဆိပ် Language Learning tablet တစ်မျိုး ပြည်တွင်းဈေးကွက်အတွင်း ဝင်ရောက်လာကြောင်း သိရသည်။

COMET Language Learning tablet သည် အခြေခံပညာမူလတန်းမှ တက္ကသိုလ်အဆင့်အထိ ကျောင်းသင်ပညာရေးကို ကူညီပံ့ပိုးပေးနိုင်သည့်အပြင် အစိုးရ အဖွဲ့အစည်းများ၊ ပုဂ္ဂလိကကုမ္ပဏီများတွင် တာဝန်ထမ်းဆောင်နေသော အဆင့်မြင့် အရာရှိများအတွက် Reference ပြုလုပ်နိုင်သည့် professional အဘိဓာန်မျိုးစုံ ပါဝင်ကြောင်း သိရသည်။

COMET Language Learning tablet သည် မြန်မာ၊ အင်္ဂလိပ်၊ ကိုရီးယား၊ ဂျပန်၊ တရုတ်၊ ဂျာမန်၊ ပြင်သစ်၊ မလေး စသည့် ဘာသာစကားများ အပါအဝင် ဘာသာ စကား အမျိုး ၂ဝ နှင့် ပတ်သက်သော သင်ကြားရေးဆိုင်ရာ သင်ခန်းစာများ၊ ဘာသာစကားသင် ပရိုဂရမ်များ၊ အသံထွက် အဘိဓာန်များ ပါဝင်သည်။ အထူးသဖြင့် ဘာသာစကားတစ်ခုမှ အခြားဘာသာစကား တစ်ခုသို့ ဘာသာပြန်ဆို ပေးနိုင်သော စွမ်းဆောင်ရည်များ ပါရှိသည်။

နိုင်ငံတကာအဆင့်မီ ပညာရေးကို လေ့လာသင်ကြားနေသူများအတွက် အင်္ဂလိပ်ဘာသာစကား သင်ကြားမှု ဆိုင်ရာ text book များကို ထည့်သွင်းပေးထားရာ Grade 7 မှ 12 အထိ အစအဆုံး ပါဝင်သည်။ Text book များကို အသံထွက်မှန်စွာ ဖတ်ပြခြင်း၊ မိမိကိုယ်တိုင်လည်း လိုက်လံရွတ်ဆိုခြင်း၊ မိမိလိုက်ဆိုသော အသံထွက် မှန်၊ မမှန်ကို ပြန်လည် စစ်ဆေးနိုင်ခြင်း စသည့် လုပ်ဆောင်ချက်များကိုပါ ဖော်ပြပေးထားသည်။ Text book ကို ဖတ်ရင်း မိမိမသိသည့် စကားလုံးများကိုပါ တစ်ပါတည်း ရှာဖွေနိုင်အောင်လည်း အဘိဓာန်များနှင့် ချိတ်ဆက် ပေးထားသည်။ ဘာသာရပ်ဆိုင်ရာ အဘိဓာန်များကိုလည်း ထည့်သွင်းပေး ထားရာ စုစုပေါင်း ၁၁၅ အုပ် ပါဝင်သည်။ စိုက်ပျိုးရေးဆိုင်ရာ၊ အဆောက်အအုံ ဆောက်လုပ်ခြင်းဆိုင်ရာ၊ ဓာတုဗေဒ၊ ရူပဗေဒ အပါအဝင် အသုံးချ ပရော်ဖက်ရှင်နယ် အဘိဓာန်များစွာကို တစ်ထိုင်တည်း အသုံးချနိုင်ရန် စီမံပေးထားသည်။

မျက်နှာပြင် အရွယ်အစား ၇ လက်မရှိပြီး Resolution အနေဖြင့် 1280 x 800 high resolution ရှိသည့် အတွက် သုံးစွဲရလွယ်ကူသည်။ Processor အနေဖြင့် Dual Core 1.2 GHz သုံးထားပြီး အဘိဓာန် ရှာဖွေရာတွင်လည်းကောင်း၊ ဘာသာပြန်ဆိုရာတွင်လည်းကောင်း မြန်ဆန်စေသည်။ မှတ်ဉာဏ်ပမာဏမှာ 1GB ထားရှိပြီး Storage မှာ 32GB အထိ ရှိသဖြင့် application များစွာကို တစ်ပြိုင်တည်း ဖွင့်ထားပြီး အသုံးပြုနိုင်မည်ဖြစ်သည်။ နောက်ထပ် ထည့်သွင်းလိုသည့် application များကိုလည်းစိတ်တိုင်းကျ ထည့်သွင်းနိုင်သည်။ ဓာတ်ပုံရိုက်ခြင်း၊ အသံသွင်းခြင်း၊ သီချင်းနားထောင်ခြင်းအပြင် Wi-Fi စနစ်ပါဝင်ပြီး အင်တာနက်ပါ အသုံးပြုနိုင်သည်။

COMET Language Tablet ကို တန်ဖိုး ၁၆၅,ဝ၀ဝ ကျပ်ဖြင့် အမြို့မြို့အနယ်နယ်ရှိ KMD Sales Centre များတွင် ဝယ်ယူရရှိနိုင်သည်။ အသေးစိတ်သိရှိလိုပါက ဖုန်း-ဝ၁-၃၈၁၁၂၉၊ ၃၈၁၀၃၅ (လိုင်းခွဲ-၁၂၄) သို့ဆက် သွယ် မေးမြန်းနိုင်သည်။

Credit : www.internetjournal.media