အားလုံးပဲမင်္ဂလာပါရှင်။
ဒီတစ်ခေါက်ပြောပြချင်တဲ့ ဇာတ်ကားလေးကတော့ Happy Death Day 2U ဖြစ်ပါတယ်။ ဒီဇာတ်ကားကိုတော့ February 2019 မှာ officially released လုပ်ခဲ့တဲ့ ဇာတ်ကားလေးပဲဖြစ်ပါတယ်။
ဒါရိုက်တာကတော့ Paranormal Activity ဇာတ်ကားတွေကို ဇာတ်ညွှန်းရေးခဲ့တဲ့ Christopher Landon ပဲ ဖြစ်ပါတယ်။

ဒီဇာတ်ကားဟာ 2017 မှာ ထုတ်ခဲ့တဲ့ Happy Death Day ရဲ့အဆက်အဖြစ် ထွက်ခဲ့တာဆိုလည်း မမှားပါဘူး။ အရင်ကားမှာတော့ Tree Gelbman ဆိုတဲ့ တက္ကသိုလ်ကျောင်းသူတစ်ယောက်ဟာ သူ့မွေးနေ့မနက်မှာ နိုးထခဲ့တယ်။ ပုံမှန်နေ့တွေလို တစ်ရက်တာ ကုန်ဆုံးခဲ့ပေမဲ့ အဲဒီညမှာတော့ babyface မျက်နှာဖုံးတပ်ထားတဲ့ လူတစ်ယောက်ရဲ့ သတ်ဖြတ်ခြင်းခံခဲ့ရပါတယ်။ Happy Birthday မဟုတ်ဘဲ Happy Death Day ဖြစ်သွားတယ်ပေါ့နော်။ :3
ထူးဆန်းတာက သူဟာ သူ့မွေးနေ့မှာပဲ ပြန်ပြန်နိုးလာခဲ့ပြီး ညရောက်တိုင်း အသတ်ခံနေရတော့တာပဲ ဖြစ်ပါတယ်။ ပထမဇာတ်ကားမှာတော့ သူဟာ သတ်တဲ့လူကို ဖော်ထုတ်နိုင်ခဲ့ပါတယ်။

ဒါပေမဲ့ အခုဒုတိယကားမှာတော့ Tree ရဲ့ချစ်သူကောင်လေးရဲ့ သူငယ်ချင်း Ryan ဟာဆိုရင် Tree လိုပဲ အသတ်ခံရပြီး အဲဒီနေ့တစ်နေ့ထဲကိုပဲ looping ပတ်နေတဲ့အဖြစ်ကို ရောက်နေခဲ့ပါတယ်။ ဒါကို Tree နဲ့ သူ့ချစ်သူတို့ဟာ ကူညီဖို့ဆုံးဖြတ်ရင်း Tree တစ်ယောက် အရင်က အဖြစ်အတိုင်း ပြန်လည်ကြုံတွေ့ခဲ့ရပါတယ်။ ဒါပေမဲ့ ဒီဇာတ်ကားမှာတော့ Tree ဟာ သာမာန်တစ်ရက်တည်းကိုပဲ နိုးထလာတာမျိုးမဟုတ်ဘဲ အခြားသော Dimension တစ်ခုကို ရောက်သွားခဲ့တာ ဖြစ်ပါတယ်။ Multiverse Theory တွေ ပါလာတာဖြစ်တဲ့အတွက် ပထမဇာတ်ကားနဲ့မတူတဲ့ အရသာကို ခံစားရမှာ ဖြစ်ပြီး နောက်အဆက်ပိုင်းအတွက် ရင်ခုန်နေရမှာလည်း ဖြစ်ပါတယ်။
ပထမကားကို ကြည့်ခဲ့တဲ့သူတွေ ပိုပြီးကြည့်သင့်တဲ့ ဇာတ်ကားဖြစ်တဲ့အတွက် ဆက်ဆက်ကြည့်ဖို့ ညွှန်ပေးလိုက်ပါတယ်နော်။

By: KST