Yangon Style ပရိသတ်ကြီး အတွက် Jeff Bezos ၏ ပါရမီ အပိုင်း (၂) ကိုဆက်လက်ဖော်ပြ လိုက်ရပါတယ်။
Jeff Bezos သည် ဘွဲရပြီး သည့်နောက် Fitel ကုမ္ပဏီတွင် ငွေကြေးဆိုင်ရာ Telecommunications ကိုစတင်ခဲ့ပြီး နိုင်ငံတကာ ကုန်သွယ်မှု ကွန်ယက် ကိုတည်ဆောက်ခဲ့ပါတယ်။ ထို့ကြောင့် Head of development and director of customer service ရာထူးကိုရရှိခဲ့ပါတယ်။ ထို့နောက် Bankers Trust ကုမ္ပဏီတွင် Product Manager ရာထူးဖြင့် ၁၉၈၈ မှ ၁၉၉၀ အထိလုပ်ကိုင်ခဲ့ပါတယ်။ ဆက်လက်၍ D. E. Shaw & Co., တွင် ၁၉၉၀ မှ ၁၉၉၄ အထိလုပ်ကိုင်ခဲ့ပြီး ဒု-ဥက္ကဌ ရာထူးကိုရရှိခဲ့သည်။
၁၉၉၃ မှာ D. E. Shaw & Co., တွင် အလုပ်လုပ်ကိုင်ရင်း တစ်ဖက်မှ Online Book Store ကို စတင်လုပ်ကိုင်ခဲ့သည်။ Bezos သည် ကုမ္ပဏီအသစ် လုပ်ကိုင်ရန် အမည်ကို Cadabra ဟု ပေးခဲ့သည်။ နောက်ပိုင်းတွင် အင်္ဂလိပ် အက္ခရာ ‘A’ နှင့်စသော တောင်အမေရိကရဲ့ အမေဇုန် မြစ်ကို အစွဲပြုကာ Amazon ဟု အမည်ပေးခဲ့သည်။ Amazon ကုမ္ပဏီ ကို ၁၉၉၄ ဇူလိုင်လ ၅ရက်နေ့တွင် ၎င်း၏ ကားဂိုဒေါင်နေရာတွင် စတင်ဖွင့်လှစ်ခဲ့သည်။ Amazon ၏ စီးပွားရေးစီမံကိန်းကို ချမှတ်ပြီး အကောင်းဆုံးလုပ်ဆောင် နိုင်ခဲ့သည်။ ယခုအခါ Amazon ကုမ္ပဏီသည် ကမ္ဘာပေါ် ဝင်ငွေအများဆုံး ကုမ္ပဏီအဖြစ် ထိပ်ဆုံးမှ ရပ်တည်နေလျှက်ရှိပါတယ်။ Jeff Bezos ဟာလည်း ကမ္ဘာ့ အချမ်းသာဆုံး စာရင်းတွင် ထိပ်ဆုံးမှ ရပ်တည်နေလျှက် ရှိပါတယ်။ Jeff Bezos ဟာ Artificial Intelligence (AI) ဟုခေါ်သော စက်ပိုင်းဆိုင်ရာဉာဏ်ရည်တုကို ဖန်တီးနိုင်ခဲ့ပါတယ်။ Jeff Bezos ဟာ မိမိဘဝကို အခြေခံမှစ၍ စနစ်တကျ တည်ဆောက်ခဲ့ပြီး စွန့်ဦးတီထွင်မှုများလည်း ပြုလုပ်နိုင်ခဲ့ပါတယ်။ ထို့ကြောင့် ၁၉၉၉ ခုနှစ်အတွက် Time မဂ္ဂဇင်း၏ Person of the Year အဖြစ် သတ်မှတ်ခံရပြီး ၂၀၀၈ ခုနှစ်တွင် Carnegie Mellon University မှ သိပ္ပံ နှင့် နည်းပညာ ဆိုင်ရာ ဂုဏ်ထူးဆောင်ပါရဂူဘွဲ့ကို ချီးမြှင့်ခြင်း ခံရပါတယ်။ ယခုအခါ Jeff Bezos သည် အမေရိကန်ဒေါ်လာ ၁၃၁ ဘီလီယံချမ်းသာပြီး ၂၀၁၈ ခုနှစ် နှင့် ၂၀၁၉ ခုနှစ် တွင် Bill Gates ကို ကျော်လွန်ကာ ကမ္ဘာ့ အချမ်းသာဆုံးစာရင်းတွင် နံပါတ် (၁) နေရာမှာ ရပ်တည်လျှက်ရှိပါတယ်။
Yangon Style ပရိသတ်ကြီးလည်း Jeff Bezos ရဲ့အကြောင်းကို ဖတ်ရှု၍ ဘဝလိုအပ်ချက်များကို ရင်ဆိုင်ဖြတ်သန်းရင်း အောင်မြင်တဲ့ဘဝ ကိုတည်ဆောက်နိုင်ပါစေကြောင်း ဆန္ဒပြုရင်း နိဂုံးချုပ် လိုက်ရပါတယ်။

By: Zaw Gyi