၂၀၁၆ ခုနှစ် မေလလောက်က ကျွန်တော်တက်ရောက်ခဲ့သော Network သင်တန်း မှ အတုယူ အားကျလောက်တဲ့ ဆရာတစ်ယောက် အကြောင်းကို တင်ပြမျှဝေချင်ပါတယ်။ ထိုသူကတော့ Y-max College တည်ထောင်သူ ဆရာဖြိုးအာကာပဲ ဖြစ်ပါတယ်။ ဆရာဟာ အသက် ၁၆၊ ၁၇ နှစ်ကတည်းက ICT နည်းပညာနဲ့ ပတ်သက်တဲ့ စာမေးပွဲများကို စတင်ဖြေဆိုနေပြီလည်း ဖြစ်ပါတယ်။ ထို့အပြင် ဒဂုံတက္ကသိုလ်မှလည်း Physic နှင့် ဘွဲရရှိခဲ့ပါတယ်။

ဆရာသည် ၂၀၀၇ ခုနှစ်တွင် Y-Max အမည်ဖြင့် Internet ဆိုင်ကို ဖွင့်လှစ်ခဲ့ပြီး နှစ် နှစ်အကြာတွင် စင်ကာပူသို့ သွားရောက်နေထိုင်ကာ အလုပ်လုပ်ကိုင်ခဲ့ပြီး ICT နှင့် ပတ်သက်သော ဘွဲ့များ၊ Certificate များ ရရှိခဲ့သည်။ ၂၀၁၂မှာ မြန်မာပြည်သို့ ပြန်လည်ရောက်ရရှိလာပြီး ပညာများ မျှဝေခြင်းနှင့် စာသင်ကြားခြင်းကို ဝါသနာပါသောကြောင့် မိမိတတ်မြောက်ထားသော ICTနှင့် ပတ်သက်သော သင်တန်းကို Y-Max အမည်ဖြင့် စတင်ဖွင့်လှစ်သင်ကြား ပါသည်။
သင်တန်းစတက်သောနေ့ ပထမဆုံးနေ့တွင် ဆရာဖြိုးအာကာက မိမိသင်ကြားရမည့် ဘာသာရပ်၏ အစအခြေခံ နှင့် ဘဝအောင်မြင်မှုအတွက် စံနမူနာယူရမည့် အချက်များကို ဆရာ၏ ဘဝအတွေ့အကြုံများနှင့် ယှဉ်ကာ ပြောဆို ဆုံးမပါသည်။

Y-Max သင်တန်းကို Computer ၆ လုံး ဖြင့် စတင်ဖွင့်လှစ်ခဲ့ပါသည်။ နောက်ပိုင်းတွင် ကျောင်းသားဦးရေ များလာခြင်းကြောင့် မြို့နယ် (၃) ခုတွင် အခန်းသုံးခန်း ခွဲကာ သင်ကြားခဲ့ပါသည်။ ထိုစဉ် ကာလတွင် ဆရာအခက်အခဲများ ရှိခဲ့ပါသည်။ ထို့ကြောင့် ကျောင်းသားများထဲမှ ပြန်လည်တတ်မြောက် ထူးချွန်သူများကို လက်ထောက်ဆရာ အဖြစ် စတင်ခန့်ခဲ့ကြောင်းလည်း သိရှိရပါသည်။ ယခုအခါမှာတော့ အင်္ဂလန်နိုင်ငံ စကော့တလန်ရှိ Scottish Qualifications Authority ( SQA ) ၏ ထောက်ခံချက်ဖြင့် Y-max College ကိုတည်ထောင် နိုင်ခဲ့သည်။

Y-Max Technologies Co., Ltd. ရဲ့ Founder လည်းဖြစ်၊ CEO လည်းဖြစ်သည့် ဆရာဖြိုးအာကာသည် အသက်ငယ်ငယ်နှင့် အောင်မြင်မှုများ ရရှိခဲ့သည်။ ထိုပြင် ကျောင်းသားတွေရဲ့အပေါ်မှာ သာမက ဝန်ထမ်းများရဲ့ပေါ်မှာပါ စေတနာ မေတ္တာဖြင့် အုပ်ချုပ်သင်ကြားပေးခဲသည့် ဆရာရဲ့ ပြောကြားဆုံးမမှုများသည် အနှစ်သာရရှိသလို ဘဝအတွက် အင်အားလည်း ဖြစ်စေပါသည်။ ဆရာ၏ ပြောကြားမှုများကို သင်တန်း၏ Orientation အချိန်တွင်သာမက ၎င်း၏ Facebook Page နှင့် ၎င်းပါဝင်သော Seminar ပွဲများတွင်လည်း သိရှိနိုင်ပါတယ်။

ထို့ကြောင့် ဘဝကို အောင်မြင်အောင် လျှောက်လှမ်းချင်တဲ့ Yangon Style ပရိတ်သတ်ကြီးအတွက် Y-max College ကို တည်ထောင်သူ ဆရာဖြိုးအာကာအကြောင်း တစ်စိတ်တစ်ဒေသကို တင်ပြပေးလိုက်ရပါတယ်။

By: Zaw Gyi